Nýjustu myndinni í Halloween keðjunni, framleidd af Universal, Blumhouse og Miramax, er spáð rífandi velgengni á opnunarhelginni en spárnar segja að myndin gæti halað inn $ 40 milljónum -hugsanlega $ 50 milljónum á þriggja daga opnunarhelginni þann 19. október. Slíkur árangur gæti skilað nýjustu Halloween myndinni titlinum besta innlenda opnun frá upphafi í Bandaríkjunum, og mun hún þá slá út opnun Weinstein á Halloween myndinni sem gefin var út af MGM 2007, en hún halaði inn $ 26,3 milljónum.

Nýjasta Halloween verður frumsýnd nánast 40 árum frá helginni sem fyrsta Halloween myndin, leikstýrt af John Carpenter kom út, þann 25. október 1978.

Venjulega eru hryllingsmyndir vinsælastar á meðal karla yfir 25 ára, en við heyrðum að Halloween sé vinsæl á meðal nánast allra. Áhugi fyrir myndinni er mikill hjá körlum um og yfir 25 ára og hjá konum yngri en 25 ára. Það er bara eitthvað við klassískar bíómyndir; ef endurgerðin er vel gerð, það hreinlega rignir inn tekjum í bíóhúsin. Þessi útgáfa sem leikstýrt er af David Gordon Green, sem hann stýrði og skrifaði í samvinnu við Danny McBride, langtíma samstarfsmanni sínum, er með skemmtilegan húmor ofinn inn í myndina og ákveðinn stíl sem kemur frá þeim félögum. Myndin fylgir Laurie Strode (Jamie Lee Curtis) fjórum áratugum eftir morðin sem Michael Myers framdi. Myers er enn á lífi í fangelsi en Strode hefur einangrað sig í skóginum.

Þær hryllingsmyndir sem hafa halað inn hæstu tekjunum á opnunarhelgum sínum eru Stephen King’s IT frá Warner Bros, (123,4 milljónir punda), framleiðsla Paramount og Skydance, World War Z (66,4 milljónir punda), Hannibal frá MGM (58 milljónir punda), New Line kvikmyndin The Nun (53,8 milljónir punda) og Paranormal Activity 3 ($ 52.5 milljónir). Allar líkur eru á að Halloween geti rutt sér leið inn í hópinn. Komist hún yfir 40 milljónir punda mun Halloween slá út The Conjuring ($ 41.8 milljónir) og The Conjuring 2 ($ 40.4 milljónir).